লিবিয়া থাকি ইটালীত যাওয়াত লাগিয়া ১০ মাস তাকি ছিলোটোর ১৬ ফুয়ার খবর নাই! (ছিলোটী খবর)

বিয়ানীবাজার টাইমসঃ ছিলোটোর ফুয়াই'ন্তে তুড়া বড় অইলে স্বপ্ন দেখইন ইউরোফ যাইতা। গেছে বছর ডিসেম্বর মাসোর ২২ তারিখ তারা সবে লিবিয়া তাকি নৌকাত খরি ইটালিত যাওয়াত লাগিয়া ১০ মাস তাকি নি'খোঁজ আছইন।

১০ মাস তাকি খুজ ফাইরা না ১৬ ফুইয়ান্তর তারার ফরিবারে। ইতা লইয়া তারার ফরিবার আছইন বাক্কা টেনশনে। তারারে দলালে খইছে হকল কুনো দেশোর জে'লো আছইন, এখন আর দলালে ফোন দরেনা।

দলালের নাম মুতিউর রহমান, তার বাড়ি অইলো মুড়িয়া ইউনিয়নর নয়াগাও গ্রামো। আর নি'খোঁজ যারা অইছইন তারা অইলা মো: আলতাফ হোসেন, মো: সুলতান মাহমুদ পলা'শ, মোহাম্ম'দ জুবেল আহম'দ, আবু তাহের, ওবায়দুল হক, মো: আবু সুফিয়ান, তোফায়েল আহম'দ ও মোহাম্ম'দ জাকারিয়া আহম'দ।

দলালে ফোন না ধ'রায় ফরিবারে খয়দিন আগে বিয়ানীবাজার থা'নাত মা'মলা খরছইন। নি'খোঁজ পলা'শের মায় খইছইন, শেষ তানর ফুয়ার লগে ডিসেম্বরর ২২ তারিখ মাতিছইন এরফর তাকি আর কুনো খবর নাই। পলা'শের বাফ লাকি মিয়ায় খইলা, দলালোর খতার উফর বিশ্বা'স খরি অ'তোদিন ধৈর্য্য ধরছি আর ফারিয়ার না। তারারে ফাইতে লিবিয়াত বাংলাদেশর দুতাবাসে সাহায্য খরলে তারা খুশ অইবা।

(ইক্টা নিয়া বিস্তারিত খবর খাইল পাইবা…)