বিয়ানীবাজারো আইজো ফিয়াজো'র দামো আ'গুন, আইজকুর বাজার দাম

বিয়ানীবাজার টাইমসঃ আবো ফিয়াজো'র বাজারো আ'গুন রইছে, বাজার ঘুরিয়া দেখা গেছে এক খেজি ফিয়াজ বিকি অর ১৩৫ টেখা।

বিয়ানীবাজার টাইমসোর প্রতি সাফতার বাজার দর’ নিছে দেওয়া অইলো। এখবার চউখ আটাইয়া পড়িলাক্কা। ই সাপ্তাত ফিয়াজো'র দাম আরও বাড়ছে।ফতি খেজি ফিয়াজ ১৩৫ টেখা খরি বিকি অর। লগে রসুনোর দামও বাড়িছে।

ফিয়াজ রসুনোর লগে আরও কিছু তরখারির দাম উফর নিছ অইছে তাও দেখিলাওক্কা এক নজরে।

বাজার ঘুরিয়া দেখা গেছে ফতি খেজি চাউল বিকি অর ৪০ টেখা,ছিনিগুড়া চাউল ১১০ টেখা,ডাইল ৬০-৭০ টেখা,ছিনি ৬০ টেখা,ফিয়াজ ১৩৫ টেখা,রসুন ১৪০ টেখা,ময়দা ৪০ টেখা, আটা ৩৫ টেখা,মটর ৪০ টেখা,
অলইদ ১৭৫ টেখা,ম'রিচ ১৮৫ টেখা,সয়াবিন তেল ৯৫-১০০ টেখা।

তরখারির বাজারো ফতি কেজি ঝিঙা ৪০ টেখা, বাইঙন ৪০ টেখা,খফল ২৫ টেখা, ছেপ্টা উরি ৭০ টেখা,জামাই উরি ৪০ টেখা,গাজর ৭০ টেখা,কিরা ৩০ টেখা,আলু ২০ টেখা,চিচিংগা ৪০ টেখা,লেম্বুর আলি ৩০ টেখা, লাল শাগ আটি ২০ টেখা, আদা ১৪০ টেখা,টমেটো ৭০ টেখা,পটল ৪০ টেখা,খাখরুল ৪০ টেখা, খেরেলা ৬০ টেখা,খদু ৫০-৬০ টেখা,মুলা ৪০ টেখা,ফুল খবি ৪০ টেখা।

মাংসর বাজারো ফার্মোর মুরুগ খেজি ১২০ টেখা,গরুর মাংস ৬৫০ টেখা,ছাগলোর মাংস ৭০০ টেখা।